Financimi rus, Berisha mesazh Bashës: Dil e trego nga dolën mbi 600 mijë euro! Rama nuk t’i mbyll më gjërat

Financimi rus, Berisha mesazh Bashës: Dil e trego nga dolën mbi 600 mijë euro! Rama nuk t’i mbyll më gjërat

Kreu i PD, Sali Berisha gjatë një takimi me banorë të Pukës dhe Fushë Arrëzit nuk la pa përmendur çeshtjen e financimit rus.

Berisha i bëri thirrje ish kreut të PD, Lulzim Basha q ëtë reagojë dhe të japë sqarime lidhur me këtë debat.

“Lidhur me financimin ju sqaroj ju se nuk ka një parti që të ketë kontribute historike më shumë se PD për lidhjen me perëndimin, SHBA, NATO, që të ketë punuar me efiçensë kundër interesave ruse, dëshmia më e thellë TAP. Në atë projekt qeveria e PD ka luajtur një rol parësorë. Rusët kanë punuar kundër nesh, ne nuk pranojmë kurrë të flirtojmë me ta.

Del dokumenti, por çfarë bëri Rama? Më 3 mars të 2018 ky shkruan se ai i ka futur duart në xhepin rus dhe kjo punë do hetohet. Si e hetoi?

E mori peng për zverku, në një akt të shëmtuar.

Tani ne duhet të bashkohemi, por ata që patën mashtrimin më të vogël patën të qartë se kush e ka pasur në dorë Bashën, ndaj sot i themi, i cili e mohoi, tregoji një për një cila është e vërteta, nga dolën 600 e ca mijë euro? Si shkuan? Si udhëtuan? Se nuk është më Edi Rama t’i mbyllë gjërat. Sqaro për veten tende, akti ka qenë personal, si ka thënë asnjë njeriu në PD”, tha Berisha.