Sport
“Djali i karatesë”, mediat tërbohen pas Haaland, Guardiola e krahason me Johan Cruyff (FOTO)
Man.City “fluturon” me Haaland. “Bomberi” norvegjez vijon të dhuroj spektakël, këtë herë fal golit të tij “qytetarët” përmbysin B.Dortmund. Verdhezinjtë trembën jo pak të zotët e shtëpisë teksa kaluan në avantazh me Bellingham në minutën e 56-të.
Ekipi i Pep Guardiolës u zgjua vonë, por ku e bënë diçka të tillë përmbysën gjermanët brenda katër minutash. Fillimisht ishte Stons që barazoi shifrat në 1-1 ndërsa në minutën e 84-ët, Haaland me një veprim akrobatik dërgoi topin në rrjetë duke i dhuruar Man.City tre pikët dhe kreun e Grupit G.
Për Haaland ky ishte goli i tij i 26 në Champions League, në 21 ndeshje, një rekord absolut pasi biondi ka një mesatare të frikshme, shënon një gol në Champions çdo 62 minuta:
“Makina fluturuese”, shkruan Express në faqen e parë. “Djali i karatesë”, ishte një tjetër titull i përzgjedhur nga mediat angleze:
“Haaland? Çfarë goli. Më kujtohet që shumë kohë më parë një gol të tillë shënonte edhe Johan Cruyff kundër Atletico Madrid. Është bukur që Haaland imitoi Cruyff”, u shpreh ndër të tjera Pep Guardiola në konferencë për shtyp.
