Kreu i PD, Sali Berisha zotohet se tashmë në Partinë Demokratike ka marrë fund kryetarokracia.

Gjatë një bashkëbisedimi me banorë të Shijakut, Berisha deklaron se të gjithë kandidatët për kryetarë bashkish apo deputetë do të duhet t’u nënshtrohen të primareve . Sipas Berishës, kjo e bën partinë më të lirë.

“Çdo demokrat, ka investimet e tyre. Asnjë prej tyre nuk kanë Sali Berishën investim, por kanë veten e tyre, djersën dhe mundin e vet. Vazhdimi i atij investimi është mençuria e tij më e madhe. Nuk ka asgjë tjetër, veç në mënyrë absolute mirëkuptim të plotë dhe vendosmëri që të ecim së bashku.

Ne kemi vendosur disa rregulla dhe ju garantoj se pas themelimit të pluralizmit, rregullat që po vendosim ne sot janë më të rëndësishme për demokracinë.

Primaret. Pse janë ato më të rëndësishmet. E para njëherë. Po marr Shijakun. Kishim 2 apo 3 kandidatura për kryetarë partie, apo në Durrës dhe me radhë. Ne futëm pluralitetin mes nesh. Kjo e bën partinë më të lirë. Ne me garë do të zgjedhim kryetarin e Bashkisë, deputetin. Merr fund koha kur ata i emëronte kryetari i partisë apo kryesia e partisë. Jo, do të jetë qytetarët, sepse kjo është rruga për të konsoliduar liritë. Kjo është rruga që ai që është më i aftë, njerëzishëm, punëtor të fitojë, por është edhe rruga e një përfaqësimi dinjitoz. Të ua dijë atyre për nder dhe jo kryetarit.

Merr fund në PD, kryetarokracia. Ju garantoj se është periudha më interesante e imja si kryetar, mund të them më produktivja, sepse nga mëngjesi deri në darkë merrem me punët e mia. Kryetari bën punën e vet, nënkryetari të tijën. Pra, jo që nuk dobësohet udhëheqja, por përkundrazi bëhet shumë më eficente, sikundër përfaqësimi bëhet më demokratik”, tha Berisha.