Radar
“Policia e mpirë për shkak të lidhjeve të politikës me krimin”
Është përgjegjësi e qeverisë dhe kryeministrit si nxitës i të fortëve për qëllime partiake, elektorale
Kreu i Partisë së Lirisë, Ilir Meta ka bërë përgjegjëse qeverinë për situatën me krimin në të cilën gjendet vendi, e veçanërisht qyteti i Elbasanit.
Gjatë një takimi me strukturat në këtë qytet, ndër të tjera Meta tha se nuk kemi një polici të paaftë, por sipas tij policia është e mpirë për shkak të lidhjeve të policisë me krimin.
“Është përgjegjësi e qeverisë dhe kryeministrit si nxitës i të fortëve për qëllime partiake, elektorale për nënshtrimin e shtetit para tyre. Policia ka arritur që mbledh gëzhojat.
Jo se policia është e paaftë, por policia është e mpirë për shkak të lidhjeve të krimit me politikën”, tha Meta.
