Besojeni ose jo, ky lajm mund të ndryshojë të ardhmen e fëmijëve tuaj

Kur përgatitja takohet me mundësinë, atëherë suksesi është i sigurtë dhe kjo s’është një shprehje klishe më shumë, por fakt. Ndonjëherë gjërat në jetë janë shumë më të thjeshta nga ç’na duken ne. Thjesht duhet të jeni aty; në vendin dhe kohën e duhur.

Edhe kjo, është plotësisht e mundur nëse jeni të etur për të qenë gjithmonë të informuar. Ja përshembull, nëse po lexoni këtë artikull sapo keni kapur një super mundësi për veten, për fëmijën tuaj apo për nxënësin e parë ekselent që ju shkon në mendje.

Me siguri ju kujtohet Virtus-qendra e parë e kurseve dhe e vetmja në Shqipëri që bazohet në kurrikulën britanike. Në fakt, Virtus s’është thjesht një qendër kursesh pasi për shumicën e nxënësve shërben si një trampolinë e sigurt që do t’jua bëjë më të lehtë rrugën drejt universiteteve më prestigjioze të botës.

Gjithsesi, le t’i  rikthehemi lajmit të mirë! Në kuadër të titullit, “Tirana Kryeqytet Europian i Rinisë” Virtus ka vendosur të mbështesë “Youth Excellence Academy” – një projekt i organizuar nga  Center for Development of Transferable Skills që përfshin trajnime për olimpiada të nxënësve të rinj ekselentë në matematikë, biologji dhe informatikë.

Çfarë do të thotë kjo?

Të gjithë studentët e shkëlqyer të shkollave shtetërore, nga klasa e 9-të deri në klasën e 12-të, si fillim do të marrin pjesë në testet hyrëse dhe më pas vetëm një pjesë e tyre do të përzgjidhet për t’u trajnuar FALAS përgjatë gjithë vitit në Virtus dhe për t’u përgatitur për olimpiadë.

15 nxënës do të përfitojnë nga Bashkia 100% bursë e ndërsa 1 studenti tjetër do t’i jepet bursë e plotë nga Banka Credins.  Testet e para do të kryen pranë qëndrës  dhe Profesor Adrian Naço bashkë me ekipin e tij do të përzgjedhë ata me rezultate më të larta për t’i përgatitur më pas për olimpiadën e matematikës, biologjisë dhe informatikës.

Edhe vetë Virtus, do të japë një numër të caktuar bursash me mbulim nga 50% deri në 100%. Ata që e njohin Virtus-in e dinë se është një super mundësi për nxënësit e shkëlqyer që kushtet financiare i kanë mbajtur larg vendit që të përgatit për universitetet më të mira ndërkombëtare.

Pse duhet të marrin pjesë të gjithë studentët me rezultate maksimale?

1-  Do të kenë shansin të trajnohen falas në Virtus– një vendi që të ndihmon të mësosh dhe punosh me zgjuarësi dhe të përgatit për të tregun e punës nesër.

2- Pjesëmarrja në olimpiada është një vlerë e shtuar në portofilin tuaj të edukimit. Universitetet prestigjioze ndërkombëtare i japin gjithnjë më shumë shanse dhe prioritet studentëve kur në aplikim shohin konkurimin në olimpiada.

3- Do t’ju ndryshojë njëherë e përgjithmonë mendësia rreth të mësuarit, teorisë, praktikës dhe mbi të gjitha: do të jeni një hap para të gjithëve pa shumë kosto!

Shënim: Të gjithë të rinjtë e interesuar, mund të regjistrohen duke klikuar këtu