Serena Williams do të godasë topin e saj të fundit të tenisit në US Open.

Atletja e famshme njoftoi në një artikull për Vogue të botuar sot se do të tërhiqet nga tenisi pas turneut vjetor për t’u fokusuar në ndërtimin e familjes së saj. Ajo dhe bashkëshorti i saj, Alexis Ohanian, kanë një vajzë 4-vjeçare Olympia.

“Por këto ditë, nëse më duhet të zgjedh midis krijimit të rezymesë sime të tenisit dhe ndërtimit të familjes sime, unë zgjedh këtë të fundit”, shkroi ajo në esenë e saj personale.

Williams shkroi se dëshiron një fëmijë të dytë, por vetëm pasi ditët e saj si sportiste të kenë përfunduar.

“Në vitin e fundit, Alexis dhe unë jemi përpjekur të kemi një fëmijë tjetër dhe së fundmi morëm disa informacione nga mjeku im që më qetësuan dhe më bënë të ndihem se sa herë që jemi gati, mund ta shtojmë familjen tonë,” shpjegoi ajo. “Unë definitivisht nuk dua të mbetem përsëri shtatzënë si atlete.”

Williams, e cila fitoi ndeshjen e saj të parë në më shumë se një vit të hënën në National Open në Toronto, konfirmoi se do të luante në US Open në Queens më vonë këtë muaj, megjithëse ajo pranoi se nuk e di nëse do të largohet fituese. Ky do të jetë eventi i saj i fundit Grand Slam. Rikujtojmë se Williams ka fituar 23 tituj Grand Slam.