Borxhi publik 107%, Berisha: Shqiptarët sot duhet të kishin rrogë mesatare 1500 euro

Borxhi është rritur nga 62.4% në 107%.

Kreu i PD-së Sali Berisha ngriti shqetësimin për pagat e punëtorëve dhe borxhin në Shqipëri.

Nga Vlora Berisha tha se borxhi është rritur në 107%, vlerë me të cilën nëse qeveria do të mendonte për qytetarët, do t’iu garantonte paga deri në 1.500 euro. Situata është ndryshe në realitet. Berisha deklaroi se rroga sot është 30% më e ulët se sa në vitin 2013, pasi edhe çmimet janë 80-90% më të larta.

“Më thoni sa janë rritur rrogat?

Borxhi është rritur nga 62.4% në 107%.

Çfarë është bërë me këtë borxh?

Ju garantoj se nëse kjo qeveri do të mendonte, unë për këta qytetarë për ta punoj, do t’i bëj të harrojnë varfërinë, mund të rriste po të donte tre herë rrogat dhe pensionet.

Me këtë borxh edhe më shumë.

Me këtë borxh, nëse kthehej në mirësi, çdo qytetar do të kishte një rrogë mesatare 1500 euro.

Ku janë?

Sa është sot rroga?

30% më e ulët se në 2013, sepse çmimet janë 80-90% më të larta.

Ajo qeverisje kishte probleme, e imja, por shpresën ua ngjalli shqiptarëve, popullsia u rrit nga viti në vit”, tha Berisha.