Kuzhina italiane është më e mira në botë, kuzhina greke e dyta …

Vendi me kuzhinën më të mirë në botë, është fqinji ynë

TasteAtlas është një udhëzues udhëtimi me përvojë për ushqimin tradicional, i cili mbledh receta autentike dhe komente të kritikëve të ushqimit, duke bërë kësisoj edhe klasifikimin e kuzhinës më të mirë në botë.

Kuzhina italiane është renditur e para në mesin e pesëdhjetë kuzhinave më të mira në botë, ku Greqia renditet e dyta dhe Spanja e treta, sipas një liste të përgatitur nga The World TasteAtlas.

Sipas publikimit, vlerësimi i çdo vendi bazohet nga vlerësimi mesatar i përdoruesve për tridhjetë pjata, pije dhe produktet ushqimore më të mira në atë vend. Vendet që nuk janë në listë nuk kanë artikuj të mjaftueshëm të vlerësuar.

Duke e përshkruar veten si një atlas botëror të pjatave tradicionale, përbërësve vendas dhe restoranteve autentike, TasteAtlas përmban një hartë globale interaktive ushqimore me ikona të pjatave të shfaqura në rajonet e tyre përkatëse dhe supozohet se përmban gati 10.000 pjata, pije dhe përbërës, si dhe 9000 restorante.