Lidhu me ne

Mix

Vrasja e John F. Kennedy, dhe vrasje të tjera politike

Vrasjet politike që e ndryshuan rrjedhën e historisë

Vrasjet politike që e ndryshuan rrjedhën e historisë

Shumë udhëheqës janë vrarë përgjatë historisë për një sërë arsyesh, dhe këtu përfshihet presidenti amerikan Xhon Kenedi, kryeministrja pakistaneze Benazir Buto dhe kryeministri izraelit Jitzhak Rabin. Politikani më me ndikim në Japoni, ish-kryeministri Shinzo Abe vdiq nga plagët e marra pasi u qëllua në një atentat gjatë një fjalimi që po mbante për fushatën zgjedhore të partisë së tij. Mbetet ende e paqartë nëse vrasja e Abe ishte e nxitur nga motive politike apo fetare.

Xhon F.Kenedi

Vrasjet politike që e ndryshuan rrjedhën e historisë

Presidenti i 35-të i SHBA-së, Xhon F.Kenedi, u vra më 22 nëntor 1963 në qytetin e Dallasit në shtetin e Teksasit. Li Harvi Osvald, vrasësi i supozuar, u qëllua për vdekje dy ditë më vonë nga Xhek Rubi, pronar i një klubi nate në Dallas. Pavarësisht 59 viteve që kanë kaluar nga ajo ngjarje, vrasja e Kenedit ende mbetet temë e një debati shumë të gjerë.

Mbreti Faizal

Vrasjet politike që e ndryshuan rrjedhën e historisë

Faizal Bin Abdulaziz Al Saud ishte mbreti i Arabisë Saudite nga viti 1964 deri në vrasjen e tij më 25 mars 1975. Ai zbatoi një sërë reformash në vendin e tij. Lejoi ngritjen e televizioneve dhe hapjen e shkollave për vajzat. Po ashtu, luajti një rol të rëndësishëm në embargon e naftës që shkaktoi krizën e naftës në vitin 1973. Faizal, 68 vjeç, u qëllua për vdekje nga nipi i tij 30-vjeçar Princi Faizal Bin Musaid bin Abdulaziz Al Saud në Pallatin Mbretëror në Riad.

Park Çung-Hi

Vrasjet politike që e ndryshuan rrjedhën e historisë

Presidenti Park Çung-Hi, që e mori pushtetin nëpërmjet një grushti shteti ushtarak të vitit 1961 në Korenë e Jugut, u qëllua për vdekje në një restorant nga miku i tij Kim Jae Kju, shefi i Agjencisë Qendrore të Inteligjencës Koreane, më 26 tetor 1979. Që kur mori kontrollin e Koresë së Jugut, Çung-Hi sundoi me një grusht të hekurt. Kim pretendoi se e vrau presidentin për të rivendosur demokracinë në vend.

Muhamed Anvar Sadat

Vrasjet politike që e ndryshuan rrjedhën e historisë

Presidenti egjiptian Anvar Sadat u vra në vitin 1981 nga anëtarët e grupimit xhihadit islamik egjiptian, pak kohë pas nënshkrimit të diskutueshëm të një traktati paqeje me Izraelin në vitin 1979. Sadat erdhi në pushtet në vitin 1970, pas vdekjes së Abdel-Naser. Sadat cilësohej si krijuesi i paqes, pasi e udhëhoqi vendin gjatë luftës së vitit 1973 kundër Izraelit.

Indira Gandi

Vrasjet politike që e ndryshuan rrjedhën e historisë

Indira Gandi, ishte kryeministrja e parë dhe e vetme grua e Indisë. Ajo u qëllua për vdekje nga dy truprojat e saj të besimit fetar Sikh më 31 tetor 1984. Ata thanë në gjykatë se e ndërmorën atë akt në shenjë hakmarrjeje, pasi Indira kishte urdhëruar një bastisje ushtarake në Tempullin e Artë, tempullin më të shenjtë Sikh. Vrasja çoi në trazirat anti-Sikh të vitit 1984, në të cilat gjetën vdekjen mijëra anëtarë të këtij komuniteti.

Olof Palme

Vrasjet politike që e ndryshuan rrjedhën e historisë

Kryeministri suedez Olof Palme ishte një kritik i shpeshtë i politikës së jashtme të SHBA-së, Bashkimit Sovjetik, si dhe regjimit të Aparteidit në Afrikën e Jugut. Palme u qëllua pas shpine më 28 shkurt 1986, pasi kishte dalë nga një kinema në Stokholm, së bashku me gruan e tij.

Kjo ngjarje tërhoqi vëmendjen e politikanëve të tjerë suedezë që dilnin në publik pa asnjë masë sigurie. Pasi qëlloi Palmen, vrasësi u largua me armën e krimit. Ende nuk dihet autori i asaj ngjarjeje, edhe pse u morën në pyetje më shumë se 10.000 njerëz, nga të cilët 130 prej tyre pranuan përgjegjësinë për krimin.

Jitzhak Rabin

Vrasjet politike që e ndryshuan rrjedhën e historisë

Kryeministri izraelit Jitzhak Rabin u vra më 4 nëntor 1995 për shkak të bisedimeve të paqes me palestinezët. Autori ishte radikali i së djathtës izraelite Jigal Amir. Marrëveshjet e Oslos të vitit 1993 që nënshkroi Rabin, synonin të hidhnin themelet për bisedimet e paqes.

Roli i Rabinit në ato bisedime i dha atij Çmimin Nobel për Paqe, së bashku me liderin palestinez Jaser Arafat. Pas vrasjes së Rabin, mundësia e zgjidhjes së çështjes palestinezo-izraelite me krijimin e 2 shteteve u bë edhe më e vështirë.

Rafik Hariri

Vrasjet politike që e ndryshuan rrjedhën e historisë

Vrasja e ish-kryeministrit Rafik Hariri, i njohur si politikani që e rindërtoi Libanin, ndikoi thellë në kursin që po ndjek ky vend. Hariri, që erdhi në pushtet në vitin 1992 pas Luftës Civile, dhe që udhëhoqi rindërtimin e vendit për të fshirë gjurmët e luftës, u vra më 14 shkurt 2005 gjatë një atentati me bombë në Bejrut. Pas asaj ngjarje Libani u polarizua, ndërsa  pasiguria u shtua. Vendi, i dominuar nga paqëndrueshmëria politike, po përjeton aktualisht një nga krizat më të mëdha ekonomike në historinë e tij.

Benazir Buto

Vrasjet politike që e ndryshuan rrjedhën e historisë

Benazir u vra në një sulm terrorist gjatë një tubimi në parkun historik Liakuat të Raualpindi në dhjetorin e vitit 2007. Në vitin 1988, ajo ishte presidentja e parë grua e Pakistanit, e zgjedhur në një vend me shumicë myslimane. Buto, që u shkarkua nga posti i saj, të cilin e mbajti për 2 vjet për shkak të akuzave për korrupsion, u bë kryeministre në vitin 1993 për herë të dytë.

Ajo u shkarkua 3 vite më vonë, me akuza të ngjashme, dhe u largua vullnetarisht nga Pakistani në vitin 1999. U rikthye në vitin 2007, kur edhe gjeti vdekjen. Gjithsesi partia e saj fitoi zgjedhjet e vitit 2008, dhe bashkëshorti i saj, Asif Zardari, dhe nënkryetari i partisë, Sajet Gilani, u bënë përkatësisht president dhe kryeministër.

Jovenel Moise

Vrasjet politike që e ndryshuan rrjedhën e historisë

Presidenti 53-vjeçar i Haitit u vra më 7 korrik të vitit 2021, gjatë një sulmi në shtëpinë e tij nga persona të armatosur. Gruaja e tij mbeti e plagosur. Të paktën 40 persona u arrestuan në lidhje me atë atentat, që ende sot mbetet një mister, pasi askush nga të arrestuarit nuk është akuzuar zyrtarisht për krimin.

MË TEPËR

Mix10 orë më herët

Sekreti i dobësimit – Dy gota ujë përpara vakteve

Humbja nga pesha kërkon një angazhim serioz ndaj një stili të shëndetshëm jetese. Ushqyerja e shëndetshme, aktiviteti fizik, gjumi dhe...

Mix10 orë më herët

Kjo mund të jetë arsyeja pse është kaq e vështirë të humbasësh peshë

Nëse ke humbur ndonjëherë peshë dhe pastaj ke parë me tmerr se si ajo rikthehet me kalimin e kohës, nuk...

Mix11 orë më herët

Të ndarë prej kohësh ‘de facto’, Nora Gega dhe Blendi Klosi firmosin divorcin

Nora Gega dhe Blendi Klosi, deputet i PS-së dhe koordinatori Politik i Qarkut të Dibrës, kanë vendosur t’i japin fund...

Kritike11 orë më herët

Nëpunësit e Autoritarizmit

Shkruar nga Irena Beqiraj Ndaj edhe Marjanat na ofrohen si një realitet alternativ i cili formulohet me kujdes, me ndihmën...

Aktualitet12 orë më herët

Shanset për t’u bërë deputet, 2 mijë kandidatë për 48 vendet e mbetura

2046 kandidatë në zgjedhjet e 11 majit, për 140 vende në parlament, 92 vende të “blinduara” nga PD dhe PS...

Mix12 orë më herët

Forcon kockat dhe shpejton tretjen! Ja 5 arsye pse duhet të hani domate çdo ditë

Domatet janë më shumë se thjesht një shtesë dekorative për sallatat apo sanduiçet tuaja; kjo perime e lëngshme ka përfitime...

Radar12 orë më herët

Arsimi i dobët në Shqipëri do mbajë peng dy gjenerata

Shqipëria renditet ndër vendet me cilësinë më të ulët të arsimit të lartë në Europë dhe në Azinë Qendrore, rajonin...

Mix13 orë më herët

Ellen Pompeo nuk e lejon vajzën të shikojë “Grey’s Anatomy” për shkak të të brendshmeve

Ellen Pompeo nuk e lejon vajzën e saj të vogël të shikojë “Grey’s Anatomy”. Aktorja u shfaq në një episod të...

Mix13 orë më herët

Mund të ketë efekte negative: Ç’duhet të dini për vajin e rozmarinës

Rozmarina është një nga bimët më të njohura në botë, me një mori përdorimesh në sektorët e shëndetit dhe bukurisë....

Radar13 orë më herët

Çfarë dihet deri tani për tragjedinë me 59 viktima në Maqedoninë e Veriut

Maqedonia e Veriut është tronditur nga një tragjedi e rëndë, pas një zjarri shkatërrues në diskotekën “Pulse” në qytetin e...

Facebook