Kush jeton më gjatë meshkujt apo femrat ? Shkencëtarët e kanë një përgjigje

Pse meshkujt kanë jetëgjatësi më të shkurtër se femrat? Shkencëtarët e kanë një përgjigje

Shkencëtarët kanë zbuluar të dhëna të reja që mund të shpjegojnë pse burrat zakonisht nuk jetojnë aq gjatë sa gratë.

Hulumtimet sugjerojnë se kjo është e lidhur me humbjen e kromozomit Y, i cili mund të shkaktojë probleme me zemrën.

Rreth 40% e 70-vjeçarëve vuajnë nga humbja e këtij kromozomi seksual mashkullor.

Profesor Kenneth Walsh, nga Universiteti i Virxhinias, tha: “Veçanërisht pas moshës 60 vjeç, burrat vdesin më shpejt se gratë. Duket sikur ata biologjikisht të plaken më shpejt.”

Shkencëtarët më herët kanë zbuluar se burrat që vuajnë nga humbja e kromozomit Y kanë më shumë gjasa të vdesin në një moshë më të re dhe të vuajnë nga sëmundje të lidhura me moshën, si Alzheimer.

Hulumtimi i ri besohet të jetë prova e parë e fortë se humbja e kromozomeve shkakton drejtpërdrejt efekte të dëmshme për shëndetin e meshkujve.