Çfarë lloj nëne është Kate Middleton ?

Duka dhe Dukesha e Kembrixhit kanë krijuar një familje të mrekullueshme me tre fëmijët e tyre, Princin George, Princeshën Charlotte dhe Princin Louis. Kate Middleton është një nënë shumë e dashur dhe kërkon t’u dhurojë fëmijëve të saj momente argëtimi dhe pakujdesi. Madje, ajo viziton shpesh këndet e lojërave me tre fëmijët e saj, ndër të preferuarat e tyre është trampolina.

Në fakt, Princi William dhe Kate Middleton janë shumë aktivë me fëmijët e tyre dhe marrin pjesë në lojëra me ta. “Kate i çon fëmijët e saj në parkun e trampolinës. Ajo kishte vizituar disa javë më parë me Xhorxhin dhe Louisin dhe hoqi këpucët si prindërit e tjerë dhe ndoqi djemtë e saj nëpër trampoline. Ajo është një nënë shumë me këmbë në tokë. Shumë e ëmbël”, tha një burim për Canada’s Hello!

Është fakt se Dukesha e Kembrixhit po kërkon të bëjë aktivitete të ndryshme me George 8-vjeçar, Charlotte 7-vjeçare dhe Louis 4-vjeçar. Një nga daljet e tyre të preferuara është vizita në Muzeun e Historisë Natyrore. Ata janë parë shpesh duke ecur ose me biçikletë në Hyde Park, ndërsa William dhe Kate ua kanë përcjellë dashurinë për tenisin tre fëmijëve të tyre