Edhe pse kanë kaluar 25 vite që kur u nda nga jeta, Lady Diana vazhdon të zgjojë interes të madh të publikut.

‘’Princesha e popullit’’ vazhdon të jetë nga figurat më të dashura botërore, interesimi për të cilën nuk u shua asnjëherë. Së fundmi në shtypin britanik po qarkullon një lajm, i cili me siguri do të shkaktojë një furtunë të vërtetë në Buckingham Palace dhe jo vetëm. Në biografinë e re të James Gavin, titulluar “George Michael,  A life” thuhet se Diana ishte e dashuruar me mikun e saj të ngushtë, këngëtarin e njohur, George Michael.

Shoqëria e tyre lindi në fund të viteve ’80, periudhë kjo kur princeshë Diana po përballej me problemet e para në martesën e saj me princin Charles. Por, burime konfidenciale bëjnë me dije se shumë shpejt ajo u kthye në një dashuri platonike nga ana e princeshës, e cila ishte e ndërgjegjshme për homoseksualitetin e këngëtarit. Lidhja mes të dyve u forcua kur Michael mori pjesë në koncertin e parë të Diana-s për të mbledhur fonde në luftën kundër SIDA-s.

“Ata kalonin shumë kohë së bashku dhe i tregonin sekrete njëri-tjetrit. Takoheshin shumë shpesh në pallatin mbretëror dhe Diana e shoqëronte në vizitat e ndryshme në clube-t për gay, ku njohu nga afër edhe Freedie Mercury”- thuhet ndër të tjera në libër.

Biografi vijon rrëfimin e tij duke treguar se në momentin që George e kuptoi se Diana ishte e dashuruar me të, u përpoq ta mbante larg.