Radar
Ulet çmimi i karburanteve: Sa do të shitet nafta, benzina dhe gazi
Bordi i Transparencës ka vendosur sot çmimet e reja të karburanteve. Lajmin e konfirmoi ministrja e Financave dhe e Ekonomisë, Delina Ibrahimaj.
Duke filluar nga sot karburantet do të jenë në treg përkatësisht me çmimet: nafta ishte 249lekë/litri u bë 243 lekë/ litri; benzina ishte 242 lekë/litri u bë 235 lekë/litri; gazi ishte 83 lekë/litri u bë 81 lekë/litri.
“Marzhet bruto të fitimit të kompanive, këtë vit që nga momenti i krijimit të bordit kanë qenë 5-6% ndërsa vitin e kaluar 15-16%. Pra ky është niveli i çmimit që ka funksionuar Bordi. Sot morëm vendimin e fundit. Gazoil u ul me 6 lekë. Benzina u ul me 7 lekë. Ndërsa gazi u ul me 2 lekë për konsumator”, tha ministrja.
