Meghan Markle, Dukesha e Sussex, flet hapur për mëmësinë dhe abortin. Më pak se një javë pasi Gjykata e Lartë rrëzoi ligjin për abortin, vendim historik i vitit 1973 që siguronte të drejtën kushtetuese për abortin, Meghan në një intervistë për Vogue së bashku me aktivisten Gloria Steinem ka zbuluar disa nga përvojat e saj personale, që nga rritja e dy fëmijëve me Princin Harry deri tek vuajtja e një aborti spontan.

Ajo dhe Duka i Sussex kanë një djalë 3-vjeçar, Archie, dhe një vajzë 1-vjeçare, Lilibet.

“Mendoj se sa me fat u ndjeva që isha në gjendje të kisha të dy fëmijët e mi”, tha Meghan Markle. “Unë e di se si është të kesh një lidhje me atë që po rritet brenda trupit tënd,” kujtoi ajo shtatzënitë e saj. “Ajo që ndodh me trupin tonë është thellësisht personale,” deklaroi Meghan.

Një vit para se të vajza e saj të vinte në jetë, dukesha tregoi se ka pësuar një krizë, pasi pati një abort. “Unë e di se si është një abort spontan, për të cilin kam folur dhe publikisht,” tha ajo, duke iu referuar shkrimit të saj të vitit 2020 mbi këtë temë në The Neë York Times. “Sa më shumë që ne normalizojmë bisedat për gjërat që ndikojnë në jetën dhe trupin tonë, aq më shumë njerëz do të kuptojnë se sa e nevojshme është të kemi mbrojtje.”

Duke folur për rrëzimin e ligjit që u jepte të drejtë vajzave dhe gravetë kryenin abort, Dukesha tha se kjo cënon rëndë liritë e tyre.

“Kjo ka të bëjë me sigurinë fizike të grave. Ka të bëjë gjithashtu me drejtësinë ekonomike, autonominë individuale dhe kush jemi ne si shoqëri. Askush nuk duhet të detyrohet të marrë një vendim që nuk dëshiron ta marrë, ose është i pasigurt, ose e vë jetën e tij në rrezik. Sinqerisht, nëse është një grua që vihet në një situatë të paimagjinueshme, një grua jo e gatshme për të krijuar një familje, apo edhe një çift që meriton të planifikojë familjen e tyre në një mënyrë që ka më shumë kuptim për ta, ka të bëjë me zgjedhjen.”

Meghan tha se e ka diskutuar temën edhe me Princin Harry, i cili tha ajo pati një reagim të guximshëm ndaj vendimit të Gjykatës së Lartë. “Ai është gjithashtu një feminist,” tha Meghan.