Këngëtari që njihet me emrin e artit R. Kelly, emri i vërtetë i së cilit është Robert Sylvester Kelly, është dënuar me 30 vite burg për akuzat e shantazhit dhe trafikimit seksual shtatorin e kaluar. Kantautori 55-vjeçar u shpall fajtor me një akuzë për shantazh dhe tetë akuza për shkelje të ligjit Mann, i cili ndalon transportin e “çdo gruaje apo vajze” nëpër linjat shtetërore për çdo “qëllim imoral”.

“Për viktimat në këtë rast, zërat tuaj u dëgjuan dhe drejtësia më në fund u vendos,” tha prokurorja Jacquelyn Kasulist jashtë sallës së gjyqit pas vendimit. “Askush nuk e meriton atë që përjetoi në duart e tij. Ose kërcënimet dhe ngacmimet me të cilat u përballën.”

Dënimi i tij fillimisht ishte planifikuar për më 4 maj, por u shty. Prokurorët i kërkuan gjyqtares Ann Donnelly një dënim prej më shumë se 25 vjetësh për R.Kelly-n, duke deklaruar në një memorandum dënimi se këngëtari mbështetej në famën dhe paratë e tij për të fshehur krimet.