Erla Mëhilli tregon marrëdhënien me Berishën: E kam pasur si baba

Mëhilli ka treguar marrëdhënien e saj me ish-kryeministrin Sali Berisha

E ftuar në emisionin “E ardhmja është vajzë”, Erla Mëhilli ka treguar marrëdhënien e saj me ish-kryeministrin Sali Berisha, gjatë kohës që punoi me të.

Ajo u shpreh se, marrëdhënia e tyre kishte qenë si ajo e një babai me vajzën.

“Unë e kam pasur, përveçse epror në një farë mënyrë, po ka qenë gati-gati edhe si, tani e di që njerëzve mund t’u duket patetike, servilizëm, po nuk është kështu sepse unë jam njeri shumë i sinqertë dhe i drejtpërdrejtë, e kam pasur gati dhe si baba, ose ai më ka konsideruar si një vajzë të vetën. Për shkak edhe të raporteve që kemi, sepse ai njihet me prindërit e mi, kanë studiuar bashkë, kanë punuar bashkë.

Ime motër ka qenë një ndër themelueset e PD dhe kanë bashkëpunuar për një periudhë kohe, përpara se ajo të largohej në Itali. Nuk isha një njeri i panjohur për të, kisha një ‘backgroud’ njohje dhe më ka trajtuar edhe si të tillë”, tregoi Mëhilli.