Radar
Dhjetëra kuksianë në spital/ “Godet” sërish Safet Gjici: Uji është i pijshëm, vetëm se është përzierë me atë vaditës
Dhjetëra kuksianë në spital/ “Godet” sërish Gjici: Uji është i pijshëm, vetëm se është përzierë me atë vaditës
Dhjetëra qytetarë u paraqitën në spitalin e Kukësit, pasi shfaqën simptoma helmimi. Nisur dhe nga deklaratat e mjekëve, dyshimet ishin për helmim nga uji.
Por ditën e sotme ka reaguar kryebashkiaku Safet Gjici, i cili thotë se është virozë dhe problemi nuk është uji i pijshëm.
Më pas ai deklaron se ka patur një përzierje të ujit të pijshëm me atë të vaditjes. E pavarësisht një pohimi të tillë, Gjici këmbëngul se uji nuk ka probleme.
“Virozë stinë, është kudo edhe në Tiranë. Nuk ka lidhje fare me ujin e pijshëm. Një deklaratë që ka dhënë një mjek në spital është keqpërdorur si në rrjete sociale si politikisht.
Uji i pijshëm është brenda normave dhe analizave që nuk ndodh që të kemi probleme me ujin e pijshëm. Ne kemi rregulla strikte te uji i pijshëm. Nuk mund të bësh politikë me ujin e pijshëm.
Për muajin që flisni ju nuk është e vërtetë që ka probleme uji i pijshëm. Është e vërtetë që është përzier uji i pijshëm me ujë vaditës, duke ndërhyrë një nga banorët, që po hetohet nga policia. Por uji është i pijshëm vetëm se është përzierë me ujin vaditës”, deklaroi Gjici.
