Karakteristikat që e bëjnë gaforren shoqen më të drejtë të horoskopit

Karakteristikat që e bëjnë gaforren shoqen më të drejtë të horoskopit

Prej datës 21 qershor kemi hyrë zyrtarisht në shenjën e Gaforreve, mirëpo jeni të sigurt që dini gjithçka për Gaforren? Mund të jeni mike të ngushta prej shumë vitesh, mirëpo në një moment mund t’ju duket sikur nuk e keni njohur kurrë. Është mëse normale e gjitha kjo, shoqet Gaforre janë të tilla, të papara dhe speciale. Ja si t’i njihni ato.

Mos ‘’guxo’’ t’i thuash se je në pritje të ëmbël, apo që ke fituar bursën e studimit që prisje prej kohësh, pasi duhet kohë për ta qetësuar dhe fshirë lotët. Do t’i duket sikur po të humbet, që nuk do të shohë më dhe do të kujtojë të gjitha momentet që keni kaluar bashkë, nga klasa e parë fillore deri tek zënka e para dy orëve në Messenger. Bëhu gati edhe për puthje e përqafime të njomura me lot, nuk ke ç’i bën, është e ndjeshme dhe pikë.

Mos provo t’i flasësh për të dashurin tënd të ri apo ndonjë detaj që diskutohet mes vajzash, do të ngrihet menjëherë nga tavolina. Ose thjesht do të vendosë kufjet e do të të injorojë. Gaforres nuk i pëlqejnë temat ‘’tabu’’ dhe dëshiron gjithmonë të ‘shesë’ një jetë dinjitoze tek të tjerët. Të jetë e vërtetë vallë?

Siç e thamë edhe më lart, Gaforrja është shumë e rezervuar kur bëhet fjalë për këto temat e ‘’turpit”, por gjithashtu shumë e drejtpërdrejtë. I thotë gjithmonë të vërtetat në sy, sado të pakëndshme qofshin ato. Është shumë e sinqertë në shoqëri dhe nuk bën pakte konformizmi për hir të miqësisë. Gjërat ose i pëlqejnë, ose nuk i pëlqejnë, nuk ka rrugë të mesme.