Edhe Minxhozi kundër Ramës për BE-në / Arrogancë dhe cinizëm, po kalon vijat e kuqe

Deklaratat e Ramës për BE-në, Minxhozi: Arrogancë dhe cinizëm, po kalon vijat e kuqe

Analisti Skënder Minxhozi i ka cilësuar arrogancë dhe cinizëm deklaratat e kryeministrit Edi Rama në Bruksel, pas vendimit të BE për të mos çelë sërish negociatat për Shqipërinë dhe Maqedoninë e Veriut.

I ftuar në emisionin Log në ABC, Minxhozi tha se me gjuhën që po përdor, Rama po e kalon vijën e kuqe.

“Cinizmi i Ramës është krejt pavend. Një kryeministër nuk duhet të shprehet me atë gjuhë. Nuk e dija kush ishte kryeministri maqedonas dhe ai shqiptar. Ai që kishte probleme me bullgarët foli më pak. Unë mendoj se kryeministri jonë po i kalon ca vija të kuqe në raport me palën serbe. Ti si Shqipëri nuk mund të kesh një qëndrim më të butë se evropianët ndaj Serbisë.

Në një dalje kaq të hapur që të kuptojmë serbët sepse është opinioni publik i lidhur me rusët, ndërkohë që ti ke vetë një opinion publik shqiptar për arsye historike që dihen. Ti të mbash problemin e opinionit publik serb dhe të refuzosh të shohësh që ti ke në Tiranë, Prishtinë që në përqindje të ngjashme ka një problem me Serbinë kjo më duket një lloj mungese balance”, tha Minxhozi.