Ironia e Manjanit: S’na duhen ligje bolshevike me fytyrë kineze që flasin anglisht

Ironia e Manjanit: S’na duhen ligje bolshevike me fytyrë kineze që flasin anglisht

Ish-ministri Ylli Manjani ishte i pranishëm në tryezën që kryedemokrati Sali Berisha zhvilloi me avokatët për të folur lidhur me hartën e re gjyqësore dhe problematikat e drejtësisë.

Manjani shprehu nevojën për një Kushtetutë të re dhe ndarje të pushteteve. Ish-ministri nuk kurseu as ironitë, të cilat ia adresoi ndërhyrjes së ambasadores amerikane në Tiranë Yuri Kim në politikë. Manjani u shpreh se vendi ka nevojë jo për ligje bolshevike me fytyrë kineze që flasin anglisht.

“Ligjet janë copë copë. Ligjet janë bolshevike. Shteti i ri duhet të fillojë me një Kushtetutë të re. Shteti që njohin shqiptarët është partiak. Kemi nevojë për një marrëveshje të re me popullin shqiptar. Ne kemi nevojë për shtet mbi politikën. Ndarja e pushteteve duhet të funksionojë kështu, është gjykata dhe pastaj të tjerat. Na duhet një gjykatës i përjetshëm që të vdesë aty në sallën e gjyqit. ‘Let’s go America’! Ta bëjmë si në Amerikë, patjetër, por jo ligje bolshevike me fytyrë kineze që flasin anglisht. Nuk ka kuptim, nuk shkon kjo!”, tha Manjani.