Dy qeveritë Rama-Kurti sot në Prishtinë, Berisha publikon grafikun: Pse s’ka rritje të bizneseve nga Kosova në 5 vitet e fundit në Shqipëri

Dy qeveritë Rama-Kurti sot në Prishtinë, Berisha publikon grafikun: Pse s’ka rritje të bizneseve nga Kosova në 5 vitet e fundit në Shqipëri

Sot do të mbahet në Prishtinë mbledhja e përbashkët mes dy qeverive, asaj të Kosovës dhe të Shqipërisë. 

Ndërsa pritet nënshkrimi i disa marrëveshjeve mes dy qeverive, kreu i PD, Sali Berisha ka rikthyer në vëmendje interesin e bizneseve nga Kosova në Shqipëri.

Teksa i referohet një grafiku për 5 vitet e fundit mbi numrin e ndërmarrjeve nga Kosova, Berisha shkruan se rritja e bizneseve nuk ka pësuar asnjë rritje.

Sipas Berishës, kjo vjen si rezultat i qëndrimit jo miqësor i Ramës ndaj Kosovës.

“Asnjë rritje te bizneseve nga Kosova ne 5 vitet e fundit ne Shqiperi. Rezultat i qëndrimit filoserb dhe jo miqësor te Edi Rames ndaj Kosovës”, shkruan Berisha.

Dje, kryeministri Rama ka bërë premtimin se tarifat doganore të Shqipërisë me Kosovën do të hiqen, duke filluar me ato bujqësore.

Rama ka kërkuar që edhe qeveria e Kosovës të ndërmarrë një hap të tillë.