Sipas “Comscore”, aventura e fundit e dinozaurëve të Universal fitoi 143 milionë dollarë që nga shfaqja në 4676 kinema në Amerikën e Veriut.

Kjo krahasohet me “Jurassic World” të vitit 2015 që u hap me 208 milionë dollarë dhe siguroi 1.6 miliardë dollarë shitje globale. Vazhdimi i tij i vitit 2018, “Fallen Kingdom”, u hap me 148 milionë dollarë dhe shënoi 1.3 miliardë dollarë në mbarë botën.

“Kjo është një hapje e shkëlqyer”, thotë për “Dominion” David A. Gross, i cili drejton firmën e konsulencës së filmit Franchise Entertainment Research. “Komentet janë të dobëta, por kjo nuk i ka ndalur kurrë këto bisha”, tha ai për “Variety”. Në Kinë, ku kinematë u rihapën pjesërisht pas një shpërthimi të fundit të Covid, filmi me dinozaur siguroi 53 milionë dollarë në tre ditë.

Sakaq filmi popullor i Tom Cruise me avionë “Top Gun: Maverick” qëndroi i fortë në pozitën e dytë në arkat e Amerikës së Veriut, duke shtuar 50 milionë Dollarë nga 4262 kinema në fundjavën e tretë në kinema. Në vendin e tretë është “Doctor Strange in the Multiverse of Madness” i Disney që shtoi 4.9 milionë Dollarë nga 3345 kinema.