Ndahen Jason Momoa dhe Eiza González

Viti 2022 vjen me shumë ndarje dhe zemra të thyera.

Këtë herë, një burim për People thotë se aktori 42-vjeçar, Jason Momoa dhe aktorja 32-vjeçare, Eiza González janë ndarë. Arsyeja? Ishin njerëz shumë të ndryshëm.

Një tjetër burim shpreson se “do të rikthehen sërish. Ata e duan shumë njëri-tjetrin dhe kanë qenë të lidhur për ca kohë, përpara se lidhja e tyre të bëhej publike. Por sërish, janë në etapa të ndryshme të jetës”.

Momoa dhe González janë takuar përmes miqve të përbashkët dhe kanë dalë që prej shkurtit të këtij viti. Fillimisht, lidhja e tyre nuk ishte serioze, pasi ishin shumë të zënë dhe thjesht dilnin dhe argëtoheshin me njëri-tjetrin, ama, Jason dukej se ishte shumë i dhënë pas aktores.

Lidhja me González ishte e para pas divorcit të Momoa me Lisa Bonet, ndaj mori vëmendjen maksimale të mediave dhe miqve të përbashkët.KEVIN WINTER/ GETTY IMAGES

Jason ka qenë i martuar me Lisa Bonet për 16 vite dhe në janar i dhanë fund martesës së tyre, duke njoftuar fansat se u ndanë në paqe dhe me mirëkuptim. Sipas People, ndarja erdhi sepse të dy donin të eksploronin gjëra të reja.