Alketa Vejsiu tregon një nga momentet më të vështira në jetë: Edhe këmbëzbathur mund ta gëzosh jetën

Alketa Vejsiu tregon një nga momentet më të vështira në jetë: Edhe këmbëzbathur mund ta gëzosh jetën

Ajo rrëfeu një nga momentet e saj të fëmijërisë

Në nisje të emisionit “Në kurthin e Piter Pan”, Alketa Vejsiu ka rrëfyer një nga momentet më të trishta të jetës së saj.

Ajo rrëfeu një nga momentet e saj të fëmijërisë, kur prindërit me sakrifica të mëdha i kishin blerë një palë atlete, që kushtonin sa rroga e një viti pune dhe që si përfundim ishin djegur, teksa po thaheshin tek soba e druve.

“Unë kur kam qenë e vogël njëherë, ngaqë prindërit e mi nuk kishin mundësi edhe kishin mbledhur lekët dhe më blenë një palë atlete kineze inkeliti, të cilat i vesha ditën e parë shumë e lumtur dhe i futa në llucë dhe i bëra copë-copë.

Mami dhe babi m’i lanë dhe m’i vendosën në sobë me dru atje që të thaheshin dhe i harruan atje.

Atletet që ishin mbledhja e gjithë parave të një viti pune u dogjën dhe unë të nesërmen në mëngjes nuk kisha më atlete.

E kujtoj këtë si një ndër momentet më të trishta të jetës time.

Më pas kuptova që edhe të jesh një Luli i vockël që ta kesh të çarë atë çizmen dhe të mos kesh atlete, edhe këmbëzbathur kur do t’i bësh gjërat, mund t’i bësh dhe ta gëzosh jetën”, tregoi Alketa.

Kujtojmë se, Alketa sot është një nga moderatoret më në zë në Shqipëri dhe ka disa biznese të cilat shpeshherë i reklamon në rrjetet sociale.