Pse ndodh mosmbajtja e urinës (Inkontinenca urinare) ?

Inkontinenca urinare

Mosmbajtja e urinës (Inkontinenca urinare) është një gjendje që mund të prekë shumë gra Shtatzënia, lindjet dhe menopauza janë arsyet kryesore që ndikojnë në këtë problem shëndetësor.

Por, inkontinenca urinare mund të ndodhë si te femrat edhe te meshkujt edhe për shkak të problemeve të tjera shëndetësore.

Dallohen disa forma te inkontinences urinare:Inkontinenca e stresit.

Kjo konsiston në rrjedhje të pavullnetshme të urinës gjatë kohës që kollitet, teshtin, qesh, bën ushtrime fizike ose ngre pesha të rënda, veprime të cilat përcjellin shtrëngimin e barkut në vezikë.

Inkontinenca nga ngacmimet (urgjencës).

Është një rrjedhje e pavullnetshme e urinës si rezultat i një ndjenje të fortë urgjente të papritur për të urinuar që nuk mund ta ndalosh dot.

Mund të lindë nevoja për të urinuar shpesh duke përfshirë dhe natën. Inkontinenca e urgjencës mund të shkaktohet nga shkaqe të vogla siç është infeksioni, ose nga shkaqe më të mëdha siç janë ccregullimet neurologjike ose diabeti.

Inkontinenca e mbimbushjes. Pacienti mund të ketë derdhje të shpeshtë ose të vazhdueshme të urinës në porcione të vogla si rezultat i moszbrazjes tërësisht të vezikës.

Inkontinenca funksionale.

Një dëmtim fizik ose mendor mund të bëjë që pacienti të mos arrijë në tualet në kohë.

Inkontinenca e përzierë.

Do të thotë që pacienti vuan nga disa lloje inkontinencash urinare.