Enca është tashmë është rezidente në Dubai. Kohët e fundit u përfol për skandalin Porta Potty . E ftuar në Goca dhe Gra, Enca tha se është ndjerë e ofenduar, pasi prej vitesh punon, për të pasur këtë jetë luksi që ka sot. Këngëtarja tha se nuk duhet të shohim deri në Dubai, pasi Porta Potty, është më afër nesh, këtu në Shqipëri.

“Në fillim mendova që nuk duhej të reagoja, por në momentin që shoh emrin tim, kur në fund të ditës të gjithë e dinë se kush është Enca e sa vite ka që punon.

Nuk do të thotë që duhet të bësh gjëra skandaloze, të kesh një dashnor apo të bësh gjëra imorale që të shkosh me pushime në një vend. Gjëja që u ndjeva më e fyer jo vetëm si Enca por si vajzë, është dashakeqësia e portaleve shqiptare.

Skandali i Porta Potty nuk ndodh vetëm në Dubai por edhe në Shqipëri. Unë në Dubai kam shumë shoqe të miat që jetojnë një jetë të thjeshtë, bëjnë punë të ndershme, nuk gjykoj asnjë vajzë në botë sepse secili e bën llogarinë vetë në fund të ditës. Nuk ke nevojë të shkosh në Dubai për t’u bërë eskortë.

Që para se të dilte ky lajm, që herët e para që kam shkuar në Dubai, njerëzit thonin me kë ke shkuar, ke gjetur ndonjë sheik? Në radhë të parë në Dubai mund të shkosh për pushime, në radhë të dytë atje ka mijëra vajza të bukura dhe nuk është aq e lehtë të gjesh një sheik, jo të gjithë që veshin veshje tradicionale janë sheikë”, tha Enca.