Almeda Abazi: Dua t’i rris fëmijët e mi me kulturën shqiptare

Almeda Abazi, ish miss-i shqiptar që jeton prej vitesh në Turqi është martuar me aktorin e famshëm turk, Tolgahan Sayisman, me të cilin ka dhe dy fëmijë, djalin Efehan dhe vajzën Alina.

Ajo theksoi se kanë menduar me partnerin e saj që të blejnë një shtëpi në Shqipëri. E pyetur nëse kanë menduar që të blejnë një shtëpi në Shqipëri, ajo tha:

“Sigurisht, dhe mund të them që e kemi vendosur dhe shumë shpejt do e kemi sepse dhe Tolga e pëlqen shumë Shqipërinë dhe ndihet shumë i lumtur dhe komod atje. Ëndrra ime është që muajt e verës t’i kaloj në Shqipëri me fëmijët sepse dua shumë që t’i rris me traditat dhe gjuhën shqipe.”, shtoi Almeda.

Ajo tregoi se cilat janë ushqimet shqiptare që aktori i famshëm preferon më së shumti. “Pëlqen shumë ushqimet që gatuan mami im. Sidomos byrekun me mish dhe tavën e kosit.”, tha Almeda duke shtuar se vlerëson mikpritjen.

“Padyshim njerëzit me sjelljen e ngrohtë, bregdeti dhe fakti që mund të ecësh në Tiranë për të shkuar kudo, gjë që është e pamundur në Stamboll sepse është super i madh dhe pa mjet transportues shumë i vështirë”, tha Almeda.