Një lidhje e mundshme e këngëtares së famshme me origjinë shqiptare Dua Lipa me aktorin spanjoll Aron Piper është në krye të lajmeve rozë në mediat botërore.

Kanë qenë mediat spanjolle të parat që kanë publikuar një video të ciftit duke kërcyer e dhuruar puthje e përqafime në një club në Madrid.

Sipas mediave, Dua Lipa, e cila për disa orë u bë mbretëresha e kryeqytetit spanjoll me koncertin e zhvilluar mbrëmë në Madrid, në kuadër të turit botëror “Future Nostalgia”, është parë duke u larguar nga koncerti me aktorin Aron Piper, i famshëm për rolin e tij në serialin e Netflix “Elite”.

Ata më pas shkuan të festonin në një klub nate në Madrid, ku janë parë mjaft të afërt me njëri-tjetrin, gjë që ka nxitur thashethemet për një romancë mes tyre.

Mediat e huaja shkruajnë se aktori mori pjesë edhe në koncertin e Duas në WiZink Center e madje kishte akses edhe në dhomën e zhveshjes së këngëtares.

A video of Dua Lipa and Arón Piper at a club in Madrid last night! pic.twitter.com/0MxUStNvlw

— Dua Lipa News² (@dIipanews) June 4, 2022