Bajram Begaj është presidenti i ri i vendit, i cili u zgjodh me votat e socialistëve. Begaj vjen nga radhët e ushtarakëve, ndërsa profesioni i tij i parë është ai i mjekut.

Begaj është i martuar me Armanda Begajn dhe kanë dy djem, 21 dhe 18 vjeç. Të dy djemtë studiuojnë për mjekësi.

Ndërsa Armanda punon në Kontrollin e Lartë të Shtetit. Ajo nuk është e njohur për publikun, por ka qenë pjesë e aktiviteteve, ku Bajram Begaj është nderuar me grada të larta.

Armanda Begaj do të jetë “Zonja e Parë” pas betimit të bashkëshortit të saj si President i Republikës më 24 korrik.

Kur, Ilir Meta u betua si President, Monika Kryemadhi refuzoi titullin honorifik si “Zonjë e Parë” e vendit, duke ndjekur karrierën në politikë si kryetare e LSI-së dhe postin e saj ia kaloi vajzës së madhe.

Armanda Begaj ka lindur në vitin 1968 dhe ka ushtruar disa funksione në administratën shtetërore si punonjëse, ku së fundmi rezulton specialiste IT pranë KLSH.