Shenjat më MISTERIOZE të Horoskopit dhe ato që nuk janë aspak

Akrepi është shenja më e mistershme e Zodiakut

Mund të thuhet pa pikën e dyshimit, nuk ka asnjë person më të veshur në mister se të lindurit në shenjën e Akrepit. Kjo nuk është një strategji e llogaritur, por vetëm vetëmbrojtje. Të lindurit e kësaj shenje janë shumë të rezervuar dhe jashtëzakonisht dyshues, gjë që i bën ata shumë tërheqës dhe tërheq vëmendjen e kureshtarëve. Kjo mënyrë e të jetuarit përplaset me vullnetin e tyre, pasi i bën të duken më të errët se sa janë në të vërtetë.

Peshqit janë mishërimi i misterit

Njerëzit e kësaj shenje të zodiakut duken misteriozë dhe të palexueshëm, ata shpesh janë një mister edhe për veten e tyre. Një e vërtetë tjetër e pakundërshtueshme është se ata duan të ëndërrojnë dhe të jetojnë me kokën mbi re, në vend që të përplasen me realitetin. Eshtë e vështirë për t’i kuptuar, pasi ata jetojnë në një botë të tyre.

Peshorja është misterioze për strategji

Në dallim nga të lindurit në shenjën e Akrepit dhe Peshqve, ato të Peshores, edhe pse pak më pak misteriozë, janë taktikë. Ata janë të bindur se një çikë mister nuk dëmton kurrë, përkundrazi, intrigon dhe i bën ata tërheqës në sytë e të tjerëve. Në përgjithësi ato janë skeptikë, por aq sa mjafton.

Dashi është shumë impulsiv për të qenë misterioz

Nuk ka asgjë misterioze tek ata që kanë lindur nën shenjën e Dashit. Ata janë kaq aktivë, impulsivë dhe instinktivë, saqë thonë dhe bëjnë atë që u vjen në kokën, pa ndonjë aftësi për të bërë strategji apo reflektim. Edhe sikur të donin të ishin, ata nuk do të kishin sukses. Pavarësisht “misterit zero”, ata magjepsin të tjerët për gjallërinë dhe empatinë e tyre, në një mënyrë të natyrshme ata i tërheqin njerëzit.

Virgjëresha është një shenjë e kundërt me misterin

Ata nuk janë misteriozë dhe nuk duan të jenë. Njerëzit e Virgjëreshës janë të drejtpërdrejtë dhe të sinqertë, nuk u pëlqejnë lojërat e fjalëve dhe shkojnë drejt e në temë. E vërteta para së gjithash, edhe ata që janë më të ndrojtur nuk japin përshtypjen se fshehin diçka, sepse ajo pak që dallohet së jashtmi është shumë e qartë. Ata kërkojnë që të tjerët të jenë po aq të sinqertë.

Shigjetari është shumë larg nga të qenët misterioz

Ata nuk e pëlqejnë këtë mënyrë të të qenit, dhe si të gjithë njerëzit e sinqertë për nga natyra, ata preferojnë të tregojnë veten ashtu siç janë. Nëse dikush përpiqet të bëhet pak misterioz, ai do të dështonte, vetëm ata që nuk i njohin mund të mashtrohen dhe të mendojnë se ekziston diçka misterioze, në realitet është vetëm një përshtypje e destinuar të mbetet e tillë.