Kreu i PD, Sali Berisha deklaron se kryeministri Edi Rama po thur plane kundër shqiptarëve me presidentin e Serbisë, Aleksandër Vuçiç.

Gjatë fjalës së tij në mbledhjen e Këshillit Kombëtar, Berisha tha se Rama e ka kthyer Tiranën në Beogradin e vogël dhe refuzon të dënojë gjenocidin serb në Kosovë  me pretekstin se bie në kundërshtim me Ballkanin e Hapur.

“Rinia është në kërcënim madhor që krahasohet në 1945 është ceshtja kombëtare. Rama e ka kthyer Tiranën në Beogradin e vogël. Tirana e Ramës dhe banjalluka e Dodokut kanë qëndrim identik për vrasjen, masakrat, gjenocidin në Kosovë. Gjatë operacionit Patkoi një rezolutë që paraqitëm për të duar gjenocidin serb në Kosovë, 1998-99 u refuzua nga Rama me pretekstin se bie në kundërshtim me Ballkanin e Hapur, ku Shqipëria është Beogradi i vogël.

Në vitin 45 Enver Hoxha pasi me divizionet e tij mundësoi vërshimin e hordhive serbo malazeze në Kosovë dhe e dorëzoi te Tito akt të cilin e mbron në 1982, Rama po thur me Vuçiç plane të kobshme për Kosovën dhe shqiptarët.

Të refuzosh dënimin e gjenocidin serb në Kosovë do të thotë se të vrasësh për së dyti ndaj shqiptarëve në Kosovë.

Në këtë analizë u ndala se sytë e mendjen, zemrën e kanë te veprimi i PD. Ata kërkojnë nga ne të jemi më në këmbë se kurrë, të mos pranojmë më kurrë këtë plaçkitje që iu bëhet qytetarëve të varfër me bordet dhe klientelën e Ramës. Klika ka qëllim pasurimin e vetes.  Të mos pranojmë që Tirana të kthehet në Beogradin e vogël.

Rama, ky Duman i pushtetit të shkelmojë mbi gjakun e mbi 10 mijë shqiptarëve në Kosovë”, tha Berisha.