Bradley Cooper do të jetë regjisor dhe aktor në një biografi të re të legjendës së muzikës Leonard Bernstein dhe transformimi i tij për këtë rol është i jashtëzakonshëm. Të hënën, imazhet e para ngacmuese për filmin origjinal të Netflix, “Maestro” u shfaqën në internet. Fansat janë më të emocionuar se kurrë për ta parë Bradley-n duke sjellë në jetë këtë histori unike.

Bernstein ishte një kompozitor dhe dirigjent i njohur për punën e tij në muzikalet e Broadway-it, duke përfshirë disa nga këngët më të dashura botërisht të sjella ndonjëherë në skenë. Karriera e tij filloi në vitet 1940 dhe vazhdoi deri në vdekjen e tij në 1990-ën. Megjithatë, filmi i ri i Cooper, me sa duket, do të fokusohet në martesën komplekse të Bernstein me Felicia Montealegre. Carey Mulligan luan Montealegre në film.

Si Mulligan, ashtu edhe Cooper, vështirë se njihen në film, duke e ndryshuar tërësisht pamjen përmes grimit dhe protezave që ndihmojnë në plakjen e tyre.

Maestro sapo hyri në prodhim këtë muaj nga Netflix dhe pritet ta ketë premierën diku në vitin 2023. Cooper tregoi për Variety se si e përfundoi drejtimin e këtij projekti, i cili fillimisht ishte menduar për Steven Spielberg. Pas “A Star is Born”, Cooper donte t’i bënte të gjitha vetë. Skenari u shkrua nga Bradley dhe Josh Singer, ndërsa filmi është prodhuar nga Spielberg, Martin Scorsese dhe Todd Phillips. Yjet e tjerë përfshijnë Jeremy Strong, Matt Bomer dhe Maya Hawke.

Your eyes aren't deceiving you. Here's Bradley Cooper fully transformed into Leonard Bernstein for #Maestro, his directorial follow-up to "A Star Is Born." More first look details here: https://t.co/zqNlCSP37M pic.twitter.com/AG1xQfiI1p

— Variety (@Variety) May 30, 2022