Radar
Pse të sulmoi Basha? Imeraj: Kërkova hetim të plotë për ‘Lobimin rus’
Ish-Kryeprokurorja e Tiranës, Elisabeta Imeraj, komentoi në emisionin Repolitix dosjen e Lulzim Bashës për lobimin rus.
Sulmet e ashpra ndaj saj nga ish-kryetari i Partisë Demokratike Lulzim Basha, ish-Kryeprokurorja e Tiranës i lidhi me mendimin e saj se dosja e famshme e lobimit rus duhej hetuar deri në fund.
“Unë nuk e njoh absolutisht Bashën, asnjë lloj Bashe që lidhet me politikën. Unë kam funksionuar që hetimet duhen çuar deri në fund edhe për çështjen e famshme të lobimit rus.
Për çështjen e hetimeve për lobimin rus 3 prokurorët kishin 3 mendime të ndryshme. Njëri prokuror ishte që duhej pushuar, tjetri thoshte që duhet pushuar por në pritje të letërporosisë, ndërsa tjetri që duhej vazhduar”, tha ajo.
