Të paktën 30,000 ushtarë rusë janë vrarë deri më tani gjatë luftës në Ukrainë, tha të shtunën Shtabi i Përgjithshëm i Ukrainës.

Rreth 250 trupa ruse u vranë gjatë 24 orëve të fundit, sipas një deklarate të Shtabit të Përgjithshëm të Ukrainës.

Deklarata tha se forcat ukrainase kanë shkatërruar 207 avionë, 174 helikopterë, 1,330 tanke, 3,258 automjete të blinduara, 628 artileri, 203 raketahedhës dhe 93 sisteme të mbrojtjes ajrore që nga fillimi i luftës.

Rusia ka humbur gjithashtu 2,226 automjete, 13 anije dhe varka të lehta, dhe 503 mjete ajrore pa pilot, së bashku me 116 raketa lundrimi, shtohet në deklaratë.

Shifrat ruse për ushtarët e saj të vrarë kanë qenë shumë më të ulëta se shifrat e Ukrainës.

Të paktën 4,301 civilë janë vrarë dhe 4,735 janë plagosur që nga fillimi i luftës në Ukrainë më 24 shkurt, sipas vlerësimeve të OKB-së. Numri i vërtetë besohet të jetë dukshëm më i lartë.