Hoxha i njohur Ahmed Kalaja, shkruan një mesazh ngushëllimi për ndarjen nga jeta të ish-presidentit Bujar Nishani. Ai thotë se Nishani është i pari president shqiptar që shkoi bashkë me familjen në vendet e shenjta islame.

“Të Zotit jemi dhe vetëm tek Ai do të kthehemi! “Ne nuk kemi bërë asnjë të pavdekshëm para teje. Pra, nëse ti vdes, a do të mbesin ata të përjetshëm” (Kur’an Enbija 34). I shprehim ngushëllimet më të sinqerta familjes së tij”, shkruan Kalaja ndër të tjera.

“Bujar Nishani ishte presidenti i parë shqiptar i cili në përfundim të mandatit si president, bashkë me bashkëshorten e tij, ishin në një vizitë private në vendet e shenjta Islame Meka dhe Medina në Arabinë Saudite duke kryer ritualin e Umres. “Vendimi (gjykimi) i takon vetëm Allahut.” (Kur’an 6:57)”, vijon ai.

Ish-presidenti i Shqipërisë Bujar Nishani ka ndërruar jetë në moshën 56-vjeçare. Nishani u shtrua fillimisht në “Senatorium” për pasojat e postcovid, por gjendja e tij shëndetësore u përkeqësua dhe më pas u nis për në Gjermani, ku sot ka mbyllur sytë përgjithmonë.