Radar
E pranon edhe Baton Haxhiu: Opozita e Berishës ia rrezikon pushtetin Ramës
Analisti Baton Haxhiu ka komentuar rizgjedhjen e Sali Berishës në krye të PD.
I ftuar në emisionin ‘Shock’ në Euronews Albania, Haxhiu thotë se opozita e Berishës ia rrezikon pushtetin Edi Ramës më shumë se opozita e Bashës.
“Ky njëri e ka arritur qëllimin. E djeshmja ishte betejë që ai e fitoi, e ardhmja është po ashtu betejë që ai me gjasë do ta fitojë.
Por ky është humbësi në fund të betejës, pasi kur i fiton të gjitha s’ka çfarë fiton me betejën e tij.
Fitorja e dytë e madhe është mobilizimi i madh përballë Edi Ramës.
Në fund do jetë humbësi i madh, pasi edhe nëse e zbret PS nën 70 mandate, askush nuk do të dojë të bëjë koalicion me të.
Mendoj se do ketë betejë shumë të ashpër me Ramën”, tha Haxhiu.
