Studiuesi i njohur Ndriçim Kulla është shprehur me nota kritike ndaj ambasadores së SHBA në vendin tonë, Yuri Kim.

I ftuar në emisionin ‘Politiko’ në Top News, Kulla thotë se nuk është dakord me sjelljen diplomatike të Kim pasi sipas tij kërkon të jetë prezent dhe të ndërhyjë kudo, përfshirë edhe partitë politike.

“Ajo është prezent kudo, ne quajmë herezi që të kritikosh ambasadoren e SHBA. Nuk jam dakord me sjelljen diplomatike të Yuri Kim, kushdo të ishte në pushtet.

Ajo ka krijuar një problem, është futur në strofën e PD. Ajo është punë e tyre si do ta zgjidhin. Ajo shkon në gjykatë, do të pengojë Rithemelimin.

Këtu është krijuar një precedent, nesër i ndodh një partie tjetër. SHBA është edhe arrogante se ia jep pushteti. Ka bërë edhe gabime të mëdha. Afganistani nuk është shumë larg. Kim kërkon të jetë prezent kudo. Më ftuan të bëj takim me komunitetin dhe s’më kanë dhënë vizën. Do shkoja për punët e mia. Takimin e kam në 28 korrik.

Ka diçka që nuk shkon. Nuk dyshoj te Amerika, por gabimet duhet t’ia themi”, u shpreh Kulla.