Megjithëse nuk u përfol si një nga pretendentet, përfaqësuesja e Lituanisë, Monika, arriti të kalojë në finalen e Eurovizion, edhe pse nuk u konsiderua si një nga këngëtaret që mund të kualifikohej në finale.

Monika Liu më shumë sesa për këngën e saj, është bërë temë dhe virale për fustanin që zgjodhi për natën gjysmëfinale, të mbajtur të martën mbrëma. Dhe ishte i njëjti fustan me të cilin kishte fituar në festivalin e mbajtur në Lituani, ku u përzgjodh për të përfaqësuar vendin e saj.

Këngëtarja tha se nuk pati para për të blerë fustan të ri.

“Po mendoja për një fustan tjetër dhe ai që më pëlqeu ishte shumë i shtrenjtë. Veç kësaj kuptova që fustani që kam është thjesht shumë i përshtatshëm dhe tashmë është bërë pjesë e pandashme e performancës sime”, tha Monika Liu.

As veshja “e vjetër” dhe as parashikimet e kompanive të basteve nuk e penguan Monikën të arrinte në finale. Pëeveç Lituanisë, vendin në finale nga nata e parë gjysmëfinale, e siguruan edhe Zvicra, Armenia, Islanda, Portugalia, Norvegjia, Greqia, Ukraina, Moldavia dhe Holanda.