Shihni ëndrra për shtatzëninë? Ja çfarë mund të nënkuptojnë

PHOTO CREDITS: GETTY IMAGES

Ëndrrat mund të jenë një vështrim interesant dhe informues në nënndërgjegjen tonë. Çfarë kuptimi kanë ëndrrat e shtatzënisë? Ekspertja Leslie Ellis shpjegoi për Mind Body Green gjashtë lloje të ëndrrave të shtatzënisë dhe çfarë mund të nënkuptojnë ato.

1. Nëse jeni shtatzënë në ëndërr.

Sipas Ellis, ëndrrat janë simbolikë – kështu që jo, të shohësh në ëndërr sikur je shtatzënë nuk do të thotë që je në të vërtetë (edhe pse nuk do të thotë që nuk je). “Thënë kjo, shtatzënia shpesh mendohet se përfaqëson një proces krijues,” vëren ajo. Nëse ka diçka si një projekt apo qëllim për të cilin po punoni, ai mund të përfaqësohet nga një shtatzëni në ëndërr.

2. Po lind në ëndërr.

Po kështu, të lindësh në ëndërr mund të simbolizojë një projekt që do të realizohet.

3. Dikush tjetër është shtatzënë në ëndërr.

“Mund të nënkuptojë se jeni përfshirë në një proces krijues, por që dikush tjetër po merr meritën, ose po bën diçka që mund ta dëshironi për vete.” Në këtë rast, kushtojini vëmendje se kush është personi specifik dhe natyrës së marrëdhënies suaj me të.

4. Një e huaj është shtatzënë.

Nëse jeni duke ëndërruar për një njeri të huaj shtatzënë, mund të nënkuptojë se jeni “të shkëputur në një farë mënyre nga procesi juaj krijues”, thotë Ellis. Ndoshta nuk ndiheni të pafrymëzuar ose nuk jeni në gjendje të filloni një projekt të ri.

5. Zbuloni se jeni shtatzënë.

Nëse shihni në ëndërr sikur zbuloni se jeni shtatzënë, kjo shpesh mund të përfaqësojë një fillim të ri, ose diçka që të ndryshojë jetën. “Përsëri, potencialisht një proces krijues,” shton Ellis, “por mund t’i referohet gjithashtu çdo fillimi të ri që fillon së pari nga brenda dhe manifestohet nga jashtë më vonë.”

6. Ju nuk jeni në gjendje të mbeteni shtatzënë.

Dhe së fundi, nëse shihni në ëndërr që nuk mund të mbeteni shtatzënë, “Ky mund të jetë një rast bllokimi i frymëzimit, një paaftësi për të filluar diçka të re ose një sfidë për të nisur diçka të re,” thotë Ellis. Natyrisht, nëse jeni një grua në moshë për të lindur fëmijë dhe shtatzënia ose fertiliteti ka qenë temë diskutimi ose në mendjen tuaj, ka të ngjarë ta shihni në ëndërr.