Radar
Rritet kuota mujore për të qenë anëtar i PS, sa duhet të paguajë secila kategori
Asambleja e PS miratoi këtë të shtunë vendimin për kuotat mujore që duhet të paguajnë anëtarët e partisë për vitin 2022.
Bazuar në vendimin e miratuar, vihet re që socialistët kanë vendosur të rrisin kuotat dhe të mbushin arkat edhe me shtresa në nevojë, si pensionistët apo edhe studentët.
Çdo pensionist, nxënës apo student, i papunë ose i vetëpunësuar do të paguajë 50 lekë për çdo muaj deri në fund të vitit. Të punësuarit janë ndarë në kategori në varësi të pagave që marrin, ku iu është përcaktuar edhe nga një kuotë për secilën kategori pagash.
Për të vijuar më poshtë me nënkryetarët dhe nënprefektët që do të paguajnë një kuotë mujore prej 2.000 lekësh; deputetët e ministrat do të japin 7.000 lekë të reja dhe për biznesmenët është përcaktuar kuota mujore prej 8.000 lekë të reja.
