Radar
Lufta në Ukrainë, 223 fëmijë janë vrarë dhe 410 janë plagosur
/cdn.vox-cdn.com/uploads/chorus_image/image/70612627/AP22070654665640.0.jpg)
223 fëmijë kanë vdekur dhe më shumë se 410 janë plagosur në Ukrainë që nga fillimi i luftës më 24 shkurt.
Kjo është bërë e ditur nga zyra e Prokurorit të Përgjithshëm të Ukrainës, duke specifikuar se numri më i madh i viktimave është regjistruar në rajonet Donetsk, Kiev dhe Kharkiv.
Si rezultat i bombardimeve në qytete dhe fshatra të Ukrainës, 1635 institucione arsimore u dëmtuan. Prej tyre, 126 u shkatërruan plotësisht.
Kujtojmë që forcat ruse dje qëlluan mbi një kolonë prej 15 makinash civilësh që po largoheshin nga një qytet i pushtuar nga Moska në rajonin e Kharkiv (lindje), duke vrarë të paktën katër persona.
