Dojna Mema sot është një emër jo pak i njohur. E vlerësuar si një ndër moderatoret më oratorike, me një stil prezantimi që e dallon nga të tjerat, gjithashtu një ndër vajzat më të ëmbla të ekraneve shqiptare. Fillimet e saj në gazetari kanë pasur vështirësitë e veta, por është dashuria e saj për këtë profesion, që e ka bërë ndër emrat më të suksesshëm të gazetarisë sot.

“Puna ime e parë, radio,19 vjeç ! Asokohe mendoja që do të ishte edhe e fundit.

Pas 6 muaj prove (të papaguar) mu vendos një pagë 20.000 lek dhe mbaj mend që isha aq e lumtur sa thoja: Po këta pse më paguajnë për të bërë çfarë më pëlqen?!

Shumë ka ndryshuar nga atëherë. Radio nuk ishte puna ime e vetme apo e fundit, paga u rrit bashkë me mua dhe mbi të gjitha unë mësova t’i lë gjithmonë të hapura dyert e dritaret e mundësive duke mos u kufizuar nga askush dhe asgjë. Bota është aty për ta kapur, bashkë me gjithë çka brenda”, shkruan moderatorja në instagramin e saj