Ish kryeministri Sali Berisha u ka përcjellë një mesazh deputetëve që nuk morën pjesë në Kuvendin Kombëtar të PD të mbajtur në 30 prill.

Në një bashkëbisedim me gazetarët, Berisha u shpreh besimplotë se ata do t’i bashkohen shumicës, ndërsa u kujtoi se askush nuk mund ta mbajë peng PD me platforma sipas tij të marra nga qeveria.

“Vendi i tyre është në PD dhe janë deputetë të kësaj partie. Nuk mundet kurrë që një deputet të mund të mbajë peng me platforma të marra nga qeveria një forcë politike opozitare. Deputetët që duan të analizojnë në mënyrë objektive në parlament e shumicë janë përfaqësues të shumicës së popullit opozitar që i ka votuar. Në këtë popull janë edhe shumica e anëtarësisë së kryesisë së PD. Vendi i tyre është me shumicën. Sot për cdo njeri demokrat e rival, 6 marsi ka meritën e përcaktimit të shumicës.

Kam besim se në tërësi deputetët e PD do i bashkohen shumicës. Nuk mund të them se cdonjeri prej tyre, pas kuvendit edhe shumica do bashkohen. Kuvendi ishte kuvendi i bashkimit të PD”, u shpreh Berisha, i cili sqaroi edhe pse Kuvendi nuk u shty.  

“Ata që pretendojnë pse nuk u shty kuvendi  nuk pranonte shumica”, u shpreh Berisha.