Kryesore
“Si Vuçiç e Erdogan”, Ilir Kulla: Rama po përgatit ndryshimin e skemës politike për t’u bërë president për 10-15 vitet e ardhshme
Analisti Ilir Kulla thotë se procesi i konsultimeve që ka nisur kryeministri Edi Rama për zgjedhjen e presidentit të ri të Republikës, është nisja e përgatitjeve për të ndryshuar skemën politike në Shqipëri.
I ftuar në emisionin Zonë e Lirë në Tv Klan, Kulla tha se në procesin e ardhshëm për zgjedhjen e Presidentit, Rama do të përfshijë përzgjedhjen nga populli për t’u zgjedhur vetë President i vendit nën shembullin e Presidentit turk Erdogan dhe atij serb, Vuçiç.
“Çështja e Presidentit në Shqipëri është që Presidentin ne e kemi kthyer si të jetë një nga ligjet më normale të Shqipërisë me 71 vota dhe nga ky moment kush ka 71 vota bëhet President.
Dhe mënyra se si e ka nisur Edi Rama kësaj radhe duke e bërë punën e Presidentit çështje të gjithë popullit, ai po përgatit ndryshimin e gjithë skemës politike që radhës tjetër ta çojë nga populli dhe të përgatisë Presidentin Edi Rama për 10 vitet apo 15 vitet e ardhshme në variantin Vuçiç, Erdogan apo të tjerë. Kaq e thjeshtë është”, thotë Kulla.
