Presidenti i ri, Ndriçim Kulla: Rama do veprojë si një kryetar sekti, do jetë nga ‘oxhaku’ i tij

Studiuesi Ndriçim Kulla ka parashikuar linjën që do të ndjekë kryeministri Edi Rama në procesin e zgjedhjes së presidentit të ri.

I ftuar në emisionin ‘Politiko’ në Top News, Kulla thotë se Rama do veprojë si një kryetar sekti, ndërsa mori si shembull rastin e dy ish ministrave nga Kosova në qeverinë ‘Rama 2’.

Sipas Kullës, Presidenti i ri duhet të jetë përtej të majtës dhe të djathtës, por shton se president i ri do jetë nga ‘oxhaku’ i Ramës.  

Kulla: Rama do veprojë si një kryetar sekti, siç na solli dy ministra nga Kosova. Do jetë president nga oxhaku i tij.

Ministrja e Arsimit nuk dinte shqip. Ata bënë vetëm Adri Nurellarin këshilltar. Ai do bëjë të njëjtën gjë dhe tani.

Le të jetë nga e majta, por të jeta personalitet publik se nuk do të kontestohet nga publiku. Ka shumë intelektualë shqiptarë, por ai i përçmon dhe i urren intelektualët. Presidenti i ri duhet të jetë përtej të majtës dhe të djathtës.