Radar
Kryemadhi jep propozimin e saj për President: Po të kisha firmat, do të zgjidhja Majkon
Kryetarja e LSI Monika Kryemadhi ka dhënë propozimin e saj për Presidentin e ri.
E ftuar në “Pikat mbi i” në News 24, Kryemadhi u shpreh se nëse do të kishte 28 firma në dispozicion, do të propozonte për President, deputetin e PS Pandeli Majko. Ajo u shpreh pro përfshirjes në procesin e zgjedhjes së Presidentit që po organizohet nga socialistët.
“Po të kisha 28 firma do propozoja, unë do të propozoja një kandidat. Unë do të propozoja Pandeli Majkon nëse do të kisha 28 firmat. Për përfshirje, unë nuk i kam 28 firma. Nëse do t’i kisha 28 firma unë do ta propozoja. Sepse sot njerëzit gjenden përballë mungesës së alternativës”, tha Kryemadhi.
