Rusia e ka zgjeruar listën e amerikanëve të cilëve u ndalohet hyrja në këtë shtet, si hakmarrje për sanksionet e vendosura ndaj Moskës zyrtare.

I përfshirë në listën e radhës prej 29 zyrtarësh, është edhe themeluesi i Facebook, Mark Zuckerberg, së bashku me zëvendëspresidenten amerikane, Kamala Harris, zëdhënësin e Pentagonit, John Kirby dhe shumë emra të tjerë.

“Këtyre individëve u ndalohet hyrja në Federatën Ruse”, ka thënë ministria e Jashtme ruse.

Muajin e kaluar iu ndalua hyrja në Rusi edhe presidentit amerikan Joe Biden, i cili në vitin 2011, kur ishte zëvendëspresident, ka vizituar Moskën duke zhvilluar edhe një takim me presidentin rus, Vladimir Putin.

Mes emrave të që u është ndaluar hyrja në Rusi janë dhe ai i Sekretarit amerikan të Shtetit, Anthony Blinken, shefi i CIA-s, William Burn, sekretari i Mbrojtjes, Lloyd Austin si dhe këshilltari i Sigurisë Kombëtare amerikane, Jake Sullivan.