Radar
(VIDEO) Xhelal Mziu spiunon Berishën në Kuvend
Ndërsa kryeministri Rama po mbante një fjalë tallëse ndaj Sali Berishës në foltoren e Kuvendit, ky i fundit me një qeshje ironike në buzë ishte i përqëndruar në telefonin e tij.
Berisha po e mbante telefonin në një pozicion që të ndez ndjenjën e kureshtjes. “Çfarë po shikon doktori?”, “Me kë po flet doktori?”, do të ishin disa nga pyetjet që do kuriozonin gjithëkënd.
Dhe pikërisht këto pyetje duket se po e mundonin sXhelal Mziun, i cili u fiksua nga kamerat e Kuvendit duke rënë kryekëput në grackën e kureshtjes.
Në vend të shihte drejtpërdrejtë Ramën, Xhelali hodhi sytë tinëzisht mbi supet e Berishës.
