Anëtari i Komisionit të Rithemelimit, Arben Ristani, deklaroi se kriza e brendshme në PD do të zgjidhet përfundimisht në Kuvendin Kombëtar të 30 Prillit.

I ftuar në RTV Ora, Ristani duke iu referua platformës të prezantuar nga Enkelejd Alibeaj, u shpreh se është mendim i disa njerëzve të politikës, por në thelb me rëndësi janë vendimet institucionale të PD.

“Çdo gjë që të ka të bëjë me PD-në, me sjelljen e individëve të ndryshëm nuk nis me platformat e gjithsecilit edhe pse janë të lirë që secili ta bëjë, por thelbësore janë vendimet institucionale brenda PD-së.

Për mua kjo është një platformë ose një mendim i disa njerëzve të politikës, por me rëndësi janë vendimet e institucionet e PD-së. Partia ka një kuvend të datës 11 dhjetor dhe partia po përmbyll përzgjedhje e proceseve të brendshme. Kjo krizë zgjidhet me këtë kuvend të datës 30 ku do të formatohet përfundimisht e PD-së”, tha Ristani.