Më mirë të MOS i shihni: 10 filma horror bazuar në histori të vërteta!

Ka dy lloje njerëzish në botë: Ata që frika i intrigon dhe kanë vetëm kuriozitet për horrorin dhe lloji tjetër që nis të djerësitet vetëm nga ideja që do të shohë një film të frikshëm. Nëse i përkisni grupit të parë, bëhuni gati për më shumë tension. Gjithë filmat më poshtë (sigurisht horror) janë bazuar në histori të vërteta- fakt që i bën 10 herë më të frikshme sidomos në prag Halloëeen-i.

Përgatituni për të qenë të fortë psikologjikisht!

1. Things heard & seen (2021)

Ky thriller flet për një grua të re që lë Manhattan-in për të jetuar me bashkëshortin në një qytezë të vogël. Ajo çfarë s’dinte ishin sekretet djallëzore që e prisnin brenda shtëpisë së re. Filmi bazohet në novelën e shkruar nga Elizabeth Brundage, e cila është frymëzuar nga episodet e jetës së saj me ndodhi të mbinatyrshme.https://www.youtube.com/embed/HCAaonjgDEA

2. Above Suspicion (2021)

Kjo histori bazohet në jetën reale të agjentit të FBI-së pas zhvendosjes në një qytet minierash në Kentucky, për misionin e tij të parë. Gjithçka nis pas fillimit të romancës me një grua nga qyteti, e cila ishte gjithashtu informatorja e tij më e mirë.  Gjërat ngatërrohen dhe bëhen me tragjike kohë pas kohe.https://www.youtube.com/embed/UpCDPSpu6Lg

3. Lost girls (2020)

Ndonëse nuk do t’ju duket mjaftueshëm horror, historia është e tmerrshme. Lost Girls është historia e vajzave të vrara nga vrasësi serial në Long Island. Viktimat ishin punonjëse seksi në atë zonë dhe vrasjet e tyre mbeten ende një mister i madh.

4. All good things (2010)

Frymëzuar nga krimet e vrasësit  Robert Durst, ky film tregon historinë e djalit të një milioneri pronash të patundshme në Neë York. Marrëdhënie me gruan e tij përfundon ashtu siç nuk jua merr mendja në fillim të filmit.

5.Silent hill (2006)

Nëse s’keni dëgjuar kurrë për një vend të quajtur Centralia, Pennsylvania kjo sepse konsiderohet si vend fantazmë për shkak të zjarrit të rënë në 1962-in që digjet ende sot e kësaj dite. Dihet pak për këtë vend, por mjaftueshëm sa për të bërë filma të frikshëm.

6. Changeling (2008)

California e viteve 1920-të. Rreth 20 djem të vegjël të vrarë. Historia e një nëne që i shkon gjer në fund zhdukjes së të birit. Ndonëse policia pretendon se e ka gjetur vogëlushin, djali i kthyer s’është i njëjtë me atë që u zhduk.

7. Black water (2007)

Ata që kanë frikë nga krokodilët, le të mos e shohin! Ky film tregon historinë e vërtetë të 3 eksploruesëve që u përballën me një krokodil gjigand gjatë rrugëtimit të tyre në veri të Australisë.

8. Silent house (2011)

Ky thriller psikologjik flet për një grua të re e gjendur në një shtëpi të pushtuar nga fantazmat. Bazohet në ngjarjet e vërteta të çuditshme të ndodhura në Uruguajin e viteve 1940-të.

9. Zodiac (2007)

Historia e një prej vrasësve serialë që terrorizoi San Francisco-n e viteve 1970…Filmi është 10-fish më i frikshëm sepse vrasësi ndodhet ende rrugëve të Amerikës…

10. Winchester (2018)

Historia e vejushës që mendon se është pushtuar nga fantazmat e njerëzve që u vranë nga armët e kompanisë së të shoqit. Vila ku ajo jeton është një vend i vërtetë i njohur si Winchester Mystery House, ku gruaja reale që portretizohet në film jetoi për 38-vite duke e ndërtuar dhe rregulluar sipas udhëzimeve që merrte nga “shpirtrat”.

Burimi: Cosmopolitan